Msamaha wa dhambi ndiyo kiini cha Wokovu. Unapatikana mara moja kwa kuamini dhabihu bora ya Yesu Kristo yaani kufa na kufufuka kwake. Hakuna namna ya bora ya kuhubiri wokovu bila kuweka sawa hilo. “….maana ndiye atakayewaokoa watu wake na dhambi zao…” hilo ndilo jambo maalumu lililomleta Yesu Kristo.
NA YEYE PEKE YAKE NDIYE ANAYEWEZA KUKUPA ONDOLEO LA DHAMBI.

Mshahara wa dhambi ni mauti.. Yes! Ndiyo maana Yesu alikufa! Huo mshahara ulistahili wewe ila Yeye akaubeba. Hivyo ikawa Karama (zawadi) ya Mungu ni uzima wa milele katika Kristo Yesu. Badala ya sisi kupewa mauti kwa ajili ya dhambi zetu (tulistahili) tukapewa uzima wa milele (ambao hatukustahili). Mtu akipokea hizi habari na kuziamini ni furaha kuu…ni bora kuliko kitu chochote.

Kujitahidi kuacha dhambi ili UOKOKE ni kujidanganya. Yesu katika huduma yake duniani alifuatwa na makahaba, walevi, watoza ushuru, kwa sababu walikubali Mafundisho yake.. waliona kabisa kwa Yesu kuna dawa ya yale yanayowasumbua.. walisikia mara nyingi akisema "UMESAMEHEWA DHAMBI ZAKO" Dawa ya dhambi haianzi na kuacha, inaanza na KUSAMEHEWA kwanza kisha ndipo unapewa stamina ya kuziacha. Kuacha dhambi zako uende kwa Yesu ni sawa na kupona kwanza kisha uende kwa daktari.
COME AS YOU ARE.
NJOO KWA MWOKOZI

Kusanyiko la kwanza kabisa kwenye kitabu cha Matendo ya Mitume lilikuwa ni kusanyiko la maombi. Na wanafunzi walikuwepo wote pamoja. Tumejengewa utamaduni mbovu sana wa kuona makusanyiko ya maombi kama ni ya baadhi ya watu au yasiyo ya lazima. Haipaswi kuwa hivyo. Weka utaratibu wa kuhudhuria makusanyiko yote kwenye kanisa la mahali. Hiyo ni ibada kwa Mungu wako. Ni mapenzi ya Mungu waamini kuomba pamoja.

Kama mdomo wako hautumiki kuomba/kuombea watu… utatumika katika kulalamika, kulaumu na kusengenya.. Haiwezi kukosa matumizi. Mtu anayetumia muda mwingi kuomba hukosa muda wa kufanya hayo mambo mengine. Mambo yasiposhughulikiwa katika maombi mwisho wake ni kushughulikiwa KIMWILI.
Unaomba?
OMBA.

Kumwachia MUNGU ndiyo kuomba kwenyewe. Kusema namwachia MUNGU ili usiombe ni kuacha Mambo yajiendee na yatakwenda kombo kweli kweli. Maombi ni Jambo la kimamlaka. Utendaji kazi wa Mungu upo katika maombi ya waaamini. Mwamini akiacha kuomba MUNGU ameacha kufanya kazi.
When a believer is in control, God is in control.

Ni shetani pekee ambaye hataki kujulikana… Mungu anataka TUMJUE VYEMA... Ndiyo maana akavaa mwili ili tumfahamu na tusienende katika UJINGA tena kuhusu TABIA yake, MIPANGO yake na NIA yake. Kama umeacha kumtazama Yesu basi umeacha kumtazama MUNGU PEKEE WA KWELI. Yesu Kristo ndiye UFUNUO wa Mungu wa PEKEE NA WA KWELI. Acha kumjifunza Mungu gizani, kwenye matukio, na habari za kusikiasikia… UTIMILIFU na UKAMILIFU wote wa Mungu uko ndani ya Yesu Kristo. Aliyemwona Yesu amemwona Baba.
NUKTA.

Mungu unayemtafuta kumjua nje ya Kristo siyo Mungu halisi. Mungu mwenyewe amejidhihirisha katika Mwana. Alivyo Mwana ndivyo alivyo Baba. Mwana ni chapa ya Baba 100%. Aliyemwona Mwana, amemwona Baba. Yesu Kristo ni Mungu akijifunua kwa wanadamu ili wasiendelee kutembea katika giza na kupapasapapasa. Unamjua Mungu au Mungu wako hachunguziki?
Jilindeni na ibada ya sanamu.

Inakuwaje mtu anasema "MUNGU MWENYE REHEMA" Halafu tena anawatishia watu kuwa ni mkatili? Au amejaa rehema na chuki kwa wakati mmoja? Sasa tumwite mchanganyo au masakanyo? Shida ya kutokaa chini ufundishwe namna ya Kuchambua Maandiko Matakatifu.. hatua kwa hatua.. lazima uwe CONFUSED.

Leo hii, Kuwaza kwangu na kutenda kwangu kote iwe ni kwa ajili ya kumtukuza Baba yangu. Mwenendo wangu wote uwe ni udhihirisho wa wema wote wa Baba ulioko ndani yangu kwa kadri alivyonitendea katika Kristo. Ninayo siku bora kabisa. Yuko pamoja nami.
Ninashinda.
#Nakiri

Kristo anakaa ndani yangu… ukuaji wangu ni ili niweze kumdhihirisha Yeye katika kila eneo. Habari njema ni kwamba Yeye hutenda kazi hiyo ndani yangu. Ushirikiano wangu ni kutomzuia Yeye kuwa wazi ndani yangu kwa kufahamu mimi ni nani ndani yake. Mwisho wa siku.. NIJIONE NDANI YAKE kama Yeye ANAVYOJIONA NDANI YANGU. Namjifunza Yeye ili nimfananie Yeye katika mwenendo wangu maana hakika ASILI YAKE NINAYO. Haleluya !

Pamoja na kwamba uko busy… Tenga muda wa
1. Kujifunza
2. Kuomba
3. Kuhubiri
4. Kufanya UANAFUNZI
Ni muhimu.

Yesu Kristo ni Mwokozi na anaokoa watu na dhambi zao.
Yesu siyo mchumi, afisa kilimo, mwanasiasa.
Iamini kazi yake.
Pokea wokovu wake.
Umesamehewa.
Simple!

Dhambi zako wewe huwezi kuziondoa... huna huo uwezo... uombe umepiga magoti miaka 40 mlimani uchubuke mpaka uvunjike miguu yote... bado hazitasafishika... uombe "toba" mpaka makamasi yajae Tanzania yote hakuna kitu unafanya... hata ujiue zitakuganda huko huko hata ukifa... watu wangejua UGUMU wa kuondoa dhambi zao wasingeidharau kazi ya MSALABA WA MWOKOZI. Yesu alikuja kwa sababu Yeye peke yake ndiye anaweza hiyo kazi. MWAMINI TU! BASI. Dhabihu ya dhambi ni Yesu PEKE YAKE.

Yesu Kristo hakutuagiza (AGIZO KUU) tuwaandae watu kwa ujio wake wa pili.. alituagiza tuwaambie alichokifanya kwenye ujio wake uliopita (mateso, kufa na KUFUFUKA) na faida ya ujio huo. Na mitume walifanya hivyo. Na sisi tunachukua notes kwao. Agizo kuu ni kuhubiri Injili ili watu WAOKOLEWE siyo kuhubiri habari za siku za mwisho. Hizo habari hazina nguvu ya KUOKOA zina nguvu ya kutisha tu. Na matisho ni manipulation. Injili ya kweli ni upendo na upendo hubadilisha moyo wa mtu.

Hivi siku moja tu itokee, Mchungaji wako asimame kanisani aseme, "Leo tunaenda kuvunja kanisa hili ili kila aliyekaa miaka mitatu na kuendelea atakuwa Mchungaji... na utaondoka na watu uliowaleta na kuwafanyia uanafunzi muda wote uko kanisani" Kwenye huo mtawanyiko utaenda kuanzisha kanisa na watu wangapi? Au utaondoka na mkoba wako?
Think of that!.
EVANGELISM and DISCIPLESHIP - Great Commission is our DEFAULT MODE.

Ikifika Jumapili unasikia uchovu wa kwenda kanisani… unasema “Wai nitaendaga wiki ijayooo” unavuta shuka unalala mpaka saa 5 asubuhi. Jumatatu unaamka saa 11 alfajiri unasikia uchovu….unasema “mmmh ngoja niende tu kazini nitachangamka huko huko” Kama uko hivyo, nenda kwenye kioo jiambie “ACHA UJINGA WEWE”

UNAPOSIMAMA KUHUBIRI Kama Yesu angekuwepo kwenye kusanyiko unalohudumia,ungehubiri unachohubiri? Hizo notes zako zinakubaliana na notes zake? Hizo topics ulizojaza kwenye vichwa vya wanafunzi vinafanana na vile ambavyo Yesu alikuwa anafundisha? Mtindo unaotumia kutafsiri maandiko ndiyo mtindo wa Yesu? Kulingana na kile unawalisha hao kondoo unaowalisha ni wa Yesu au wa kwako? Umewahi kufikiri hili? Yesu ni mwanafunzi wako, amekaa pale na ni Yeye peke yake hizo notes utazichana au utaendelea kumfundisha Yesu?
JIULIZE KWA UPOLE… KWA TAARIFA YAKO ANAKUONA TU.
NA HESABU TUTATOA... MIMI NA WEWE...

Hakuna mtu nje ya kanisa anayeweza kuzuia Injili ikakwama kabisa! Majaribu na mateso makali huchochea Injili! Injili huwa inakwama kutokea ndani ya kanisa… NIA YA WAHUBIRI NA NIA YA WAAMINI… watu wakianza kupotezea nguvu ya Ukombozi wa Yesu Kristo na kugeuzwa kuwa somo la Pasaka tu… watu wanapooza na kukimbizana na mahitaji yao ya kimwili tu… nyumba, magari, biashara, wake, waume, kazi n.k.. Mipango, maono, matarajio, na maombi yanaelekezwa kwenye mambo ya mwilini tu BASI INJILI IMEVAMIWA! Uinjilisti wa kweli unazimwa, uanafunzi unakufa kabisa!